एकचिम्टी सिन्दुरमा जीवन धानेकी छौ आमा ।

एकचिम्टी सिन्दुरमा जीवन धानेकी छौ आमा । अनि बाले जे जे भन्छन त्यही मानेकी छौ आमा। प्रयोग गर्न पो पाइनौ सिकेका ति कुराहरु , जान्न त तिमीले सबैथोक जानेकी छौ आमा । यो महिनाको कमाई बाले भट्टीमा सिध्याए की ? ढिडोलाई सितान गुन्द्रुक झानेकी छौ आमा । छोरीमात्र पाएको भनी कुटपिट गर्दा पनि , श्रीमानलाई नै परमेश्वर ठानेकी छौ आमा । हामीलाई खान दिएपछि सधैँ भाँडा रित्तो हुन्छ , देख्छु भोको पेट पटुकीले बानेकी छौ आमा । -सम्झना रेग्मी 'सानु'

सम्झना रेग्मी 'सानु'