दिन पछि रात किन, अचम्मै परेँ म!

दिन पछि रात किन, अचम्मै परेँ म!

बिस्वास गर्दा घात किन,अचम्मै परेँ म!!

रगतमा छैन फरक, सबैको हो रातै !

ठुलो सानो जात किन, अचम्मै परेँ म!

गन्तब्यमा छोड्नुनै छ, एक्लै बनायर !

सुरुवातमा साथ किन , अचम्मै परेँ म!!

पिँठ पछि गालि गर्दै, छुरा पनि ताक्छौ!

मुखले चिल्ला बात किन, अचम्मै परेँ म!

खरानि घसि माग्न थाले, अल्छि नामर्दहरु!

दैव दियौ हात किन, अचम्मै परेँ म!

रिदम शिवराज

काँहु गाबिस ५ सिस्नेरि

पोखरा